თბილისი, 26 ივნისი — Sputnik. უკრაინის პრეზიდენტმა პეტრო პოროშენკომ განაცხადა, რომ საკონსტიტუციო რეფორმის შედეგად, ქვეყნის დეცენტრალიზაციის ნაწილში ქვეყანა უნიტარული სახელმწიფო დარჩება, ამ საკითხში ”არანაირი კომპრომისი არ იქნება”, ამის შესახებ იუწყება რუსული საინფორმაციო სააგენტო ”რია ნოვოსტი”.
საკონსტიტუციო კომისიამ ხელისუფლების დეცენტრალიზაციის ნაწილში უკრაინის კონსტიტუციაში შესატანი ცვლილებების პროექტი მოიწონა და დოკუმენტი განსახილველად პრეზიდენტს გადაუგზავნა.
”ამ საკონსტიტუციო ცვლილებების შედეგად ქვეყანა უნიტარული სახელმწიფო დარჩება და ამასთან დაკავშირებით არანაირი კომპრომისი არ იქნება”, — განაცხადა პრეზიდენტმა საკონსტიტუციო კომისიის სხდომაზე პარასკევს, როდესაც უკრაინის ფედერალიზაციის საკითხზე საუბრობდა.
