თბილისი, 24 ივნისი – Sputnik. ნატო არ ისწრაფვის შეიარაღების თვალსაზრისით რუსეთთან შეჯიბრი გამართოს, მაგრამ მოვალეა მოკავშირეების დაცვა უზრუნველყოს, განაცხადა ნატოს გენერალურმა მდივანმა იენს სტოლტენბერგმა ბრიუსელში ნატოს წევრი–ქვეყნების თვდაცვის მინისტრების შეხვედრის წინ, იუწყება რუსული საინფორმაციო სააგენტო „რია ნოვოსტი“.
„ჩვენ ვასრულებთ საერთაშორისო ვალდებულებებს, ჩვენ თვალყურს ვადევნებთ შეთანხმებას შეიარაღების შესახებ. ჩვენ ვაგრძელებთ რუსეთთან კონსტრუქციული ურთიერთობისკენ სწრაფვას“,–განაცხადა სტოლტენბერგმა.
მისი სიტყვებით, „ნატო–ს ყველა მოკავშირე ერთ აზრს იზიარებს, რომ შეიარაღებაზე კონტროლი აუცილებელია. ჩვენ არ ვისწრაფვით შეიარაღების თვალსაზრისით რუსეთთან შეჯიბრის გამართვაზე, მაგრამ მოვალენი ვართ დავიცვათ ჩვენი ქვეყნები და როდესაც როლები იცვლება, შევძლოთ ადაპტირება“, – აღნიშნა ნატოს გენმდივანმა.
