თბილისი, 22 ივნისი — Sputnik. „რეგიონალური ელექტროგადაცემის გაუმჯობესების პროექტის“ ფარგლებში, საქართველოში “500 კილოვოლტიან ელექტროგადამცემი ხაზი აშენდება „ქსანი — სტეფანწმინდა”.
“საქართველოს სახელმწიფო ელექტროსისტემა”-ს, მის შვილობილ კომპანია “ენერგოტრანსსა” და ფინურ-ინდურ კონსორციუმ ELTEL-EMC-ს შორის ხელი მოეწერა ელექტროგადამცემი ქსელის გაფართოების ღია პროგრამის მე-2 კომპონენტს: ყაზბეგის ურთიერთდამაკავშირებელ პროექტს – “500 კილოვოლტის ელექტროგადამცემი ხაზის მშენებლობა ქსანის ქვესადგურიდან სტეფანწმინდამდე”.
აღნიშნული პროექტი მიზნად ისახავს საქართველოს მთავარი, 500 კვ-იანი ელექტროგადამცემი ქსელის გაფართოებას.
დაფინანსება ხორციელდება გერმანიის განვითარების ბანკის (KfW) საშუალებით და სავარაუდო ღირებულებაა 25 მლნ ევრო.
ხაზის სიგრძე დაახლოებით 100 კმ-ია. პირველ ეტაპზე ელექტროგადამცემი ხაზი იმუშავებს 110 კილოვოლტ ძაბვაზე ხოლო სტეფანწმინდის ქვესადგურის აშენების შემდეგ – 500 კილოვოლტის რეჟიმში.
პროექტის დასრულება დაგეგმილია 2017 წლის მაისისათვის.
