თბილისი, 22 ივნისი — Sputnik. საქართველოს ნაკრებმა ორშაბათს, 22 ივნისს, ბაქოში მიმდინარე ევროპულ თამაშებზე კიდევ 3 ბრინჯაოს მედალი მოიპოვა. სამივე ჯილდო ქართველი სამბისტების ანგარიშზეა.
57 კგ.მდე წონით კატეგორიაში მედალი ვახტანგ ჭიდრაშვილმა მოიპოვა. მესამე ადგილისათვის ბრძოლაში მან რუმინელი ორლანდო გრუი დაამარცხა.
74 კგ-მდე წონით კატეგორიაში კახა მამულაშვილი ბულგარელ მარტინ ივანოვზე ძლიერი აღმოჩნდა. ხოლო 90 გკ-მდე წონით კატეგორიაში დავით კარბელაშვილმა აზერბაიჯანელ კანან გასიმოვს მოუგო.
შედეგად, ევროპული თამაშების დაწყებიდან 10 დღის განმავლობაში, საქართველოს ნაკრების აქტივში 10 მედალია — 3 ვერცხლი და 7 ბრინჯაო.
