თბილისი, 18 ივნისი – Sputnik. უკრაინის პრეზიდენტმა პეტრო პოროშენკომ საქართველოში უკრაინის საგანგებო და სრულუფლებიანი ელჩი ვასილი ციბენკო თანამდებობიდან გაათავისუფლა, ბრძანება შესაბამისი გადაწყვეტილების შესახებ მთავრობის მეთაურის ოფიციალურ ვებგვერდზეა განთავსებული, იუწყება რუსული საინფორმაციო სააგენტო „რია ნოვოსტი“.
„შესაბამისი ბრძანების თანახმად თანამდებობიდან გათავისუფლდეს საქართველოში უკრაინის საგანგებო და სრულუფლებიანი ელჩი ვასილი ციბენკო“, – ნათქვამია ბრძანების ტექსტში.
მანამდე უკრაინის ახალმა ხელისუფლებამ, რომელიც ქვეყანაში 2014 წელს მოვიდა, „ერთიანი ნაციონალური მოძრაობის“ წევრი რამდენიმე მაღალჩინოსანი საქართველოს ექს–პრეზიდენტ მიხეილ სააკაშვილის მეთაურობით, უკრაინის ხელისუფლებაში სხვადასხვა თანამდებობაზე დანიშნა. ეკა ზღულაძემ უკრაინის შს მინისტრის პირველი მოადგილის პორტფელი ჩაიბარა, ალექსანდრე კვიტაშვილი ჯანდაცვის მინისტრი გახდა. რაც შეეხება თავად მიხეილ სააკაშვილს, იგი ოდესის ოლქის გუბერნატორია.
