თბილისის ზოოპარკი წყალდიდობის შემდეგ

თბილისის ზოოპარკი 14 ივნისის ღამით მომხდარი წყალდიდობის შედეგად თითქმის სრულიად განადგურდა.

ვაკე-საბურთალოს გზასთან და მდინარე ვერესთან მდებარე ზოოპარკის ტერიტორია, სრულიად დაიტბორა.

თუ რა დონეს გაუტოლდა წყლის სიმაღლე, თბილისის ზოოპარკის ადმინისტრაციულ შენობას ემჩნევა. ეს ის ადგილია, სადაც თვითმხილველებმა მეორე სართულზე დამონტაჟებულ კონდიციონერზე შემომჯდარ დათვს გადაუღეს სურათი. წყლის დონე იმდენად მაღალი იყო, რომ დათვმა უბრალოდ მიცურა მეორე სართულის ფანჯრებთან.

წყალმა, რომელმაც ზოოპარკის ტერიტორია დატბორა, ასევე ვაკე-საბურთალოს გზიდან მანქანებიც გადაყარა.

დასუფთავება და სამაშველო სამუშაოები ზოოპარკის ტერიტორიაზე.

რამდენიმე დღის მანძილზე მაშველები ზოოპარკის დატბორილ ტერიტორიაზე დაღუპული ცხოველების გვამებს პოულობდნენ.

აქ ადრე ცხოველების ვოლიერები იყო.

ადრე აქ ლამაზი ხეივნები და საბავშვო ატრაქციონები იყო.

წყალმა გაანადგურა არამხოლოდ ზოოპარკი, არამედ მიაღწია გმირთა მოედანსაც და დატბორა მტკვრის მარჯვენა სანაპირო.