თბილისი, 17 ივნისი — Sputnik. ალბანეთმა საქართველოს მოქალაქეებისთვის უვიზო რეჟიმი შემოიღო. რეჟიმი 2015 წლის 1 ივნისიდან 1 ნოემბრამდე მოქმედებს, აღნიშნულია ალბანეთის საგარეო საქმეთა სამინისტროს განცხადებაში, იუწყება რუსული საინფორმაციო სააგენტო ”რია ნოვოსტი”.
სავიზო რეჟიმი ასევე მოქმედებს რუსეთის, ბელორუსიის, ბაჰრეინის, ყატარის, ომანისა და საუდის არაბეთის მოქალაქეებისთვის.
წინა წლებში ალბანეთის ხელისუფლება ცალმხრივი წესით, ტურისტების მოზიდვის მიზნით, რიგი ქვეყნების მოქალაქეებისთვის რეგულარულად აწესებდა უვიზო რეჟიმს, მაგრამ რეჟიმის მოქმედების ვადა სხვადასხვა წლებში იცვლებოდა.
ჩვეულებრივ რეჟიმში ალბანეთში შესასვლელად საჭიროა ადგილობრივი ვიზა ან მრავალჯერადი შენგენის ვიზა, ბრიტანეთის, ამერიკის ვიზა ან დროებითი ცხოვრების უფლებაზე შესაბამისი ცნობა.
