თბილისი, 16 ივნისი — Sputnik. ნატოს გენერალური მდივანი იენს სტოლტენბერგი 25-26 ივნისს ევროკავშირის სამიტში მიიღებს მონაწილეობას, განაცხადა ევროკომისიის სპეციალურმა წარმომადგენელმა მარგარიტის სქინასმა. ამის შესახებ რუსული საინფორმაციო სააგენტო „რია ნოვოსტი“ იუწყება.
„ევროკომისიის თავმჯდომარე (ჟან კლოდ) იუნკერი დღეს ნატოს გენერალურ მდივანს, იენს სტოლტენბერგს შეხვდება. ისინი იმსჯელებენ ევროკავშირის 25–26 ივნისის სამიტის სამზადისზე, რომელზეც სტოლტენბერგია მიწვეული. იუნკერი და სტოლტენბერგი განიხილავენ თავდაცვის სფეროში ევროპულ თანამშრომლობასა და ასევე ზოგად გეოპოლიტიკურ ვითარებას“, — განაცხადა სქინასმა.
თავდაცვისა და უსაფრთხოების საკითხები იქნება ევროკავშირის ივნისის სამიტის ძირითადი განსახილველი თემები.
