თბილისი, 10 ივნისი — Sputnik. მეზღვაურები კასპიის ზღვაში თვითმავალი ბარჟის წყალგამყოფთან შეჯახების შედეგად დაზარალდნენ. ქართველი მეზღვაური ამირან აბულაძე შვეიცარიის ერთ-ერთ კლინიკაშია გადაყვანილი, იუწყება ოთხშაბათს, 10 ივნისს საქართველოს საზღვაო ტრანსპორტის სააგენტოს პრეს-სამსახური.
უწყების ინფორმაციით, ინციდენტი 9 ივნისს, თბილისის დროით 01:00 საათზე მოხდა.
”თვითმავალი ბარჟა დაეჯახა ე.წ. წყალგამყოფს, რის შედეგადაც ბარჟაზე მყოფმა ორმა ქართველმა — ამირან აბულაძემ და ვიტალი კაჭარავამ მიიღეს სხეულის სხვადასხვა სიმძიმის დაზიანებები. ვიტალი კაჭარავას (ბარჟის შკიპერი) აღენიშნება ხელის მოტეხილობა, ხოლო ამირან აბულაძემ (მექანიკოსი) მიიღო სერიოზული დაზიანება თავის არეში”, — აღნიშნულია განცხადებაში.
დამსაქმებელი კომპანია БЮ Казакстан-ი სრულად იღებს პასუხისმგებლობას დაშავებულ მეზღვაურთა მკურნალობაზე.
