თბილისი, 3 ივნისი – Sputnik. ამერიკის შეერთებული შტატების პრეზიდენტმა ბარაკ ობამამ ხელი მოაწერა კანონს, რომლის საფუძველზეც სპეცსამსახურებს უფლება ეძლევათ მოიპოვონ მოქალაქეთა პირადი მონაცემები ტერორიზმთან ბრძოლის მიზნით, იუწყება რუსული საინფორმაციო სააგენტო „რია ნოვოსტი“ თეთრ სახლზე დაყრდნობით.
როგორც განცხადებაშია ნათქვამი, ეგრეთ წოდებული USA Freedom Act „გარდაქმნის და აძლიერებს ხელისუფლების კონკრეტული ორგანოების შესაძლებლობებს საგარეო დაზვერვისა და სხვა მიზნებისთვის“.
საგარეო დაზვერვის ხსენება უკავშირდება აშშ-ის ფარგლებს გარეთ მყოფი ტერორისტების წინააღმდეგ ბრძოლის აუცილებლობას.
