თბილისი, 27 მაისი — Sputnik. უკრაინის და საქართველოს ნატოში შესვლა ევროპულ უსაფრთხოებას ”ნაღმს დაუდებს” და ეს ალიანსში გააზრებული აქვთ, მიიჩნევს ნატოში რუსეთის ფედერაციის მუდმივი წარმომადგენელი ალექსანდრ გრუშკო, იუწყება რუსული საინფორმაციო სააგენტო ”რია ნოვოსტი”.
”ფუნდამენტური პრობლემა იმაში მდგომარეობს, რომ 2008 წლის ბუქარესტის სამიტზე მიღებული გადაწყვეტილებით, უკრაინა და საქართველო ნატოს წევრები გახდებიან. რა თქმა უნდა, როდესაც ვესაუბრებით ადამიანებს, რომლებსაც ესმით, როგორ მიიღება გადაწყვეტილებები ალიანსში, რომლებსაც ესმით, რის შესახებ საუბრობენ ისინი, ეს, ფაქტობრივად, განუხორციელებელი სცენარია, რადგან ყველას გააზრებული აქვს, რომ ეს ევროპის უსაფრთხოებისთვის უზარმაზარი ნაღმი იქნება. ამიტომ, არ ვფიქრობ ბევრი იყოს ენთუზიასტი, რომელიც უკრაინის და საქართველოს ალიანსში გაწევრიანების პერსპექტივაზე რეალურად ფიქრობდეს”, — განაცხადა მან ტელეარხ ” Россия 24”-ის ეთერში.