თბილისი, 25 მაისი – Sputnik. ოპოზიციური პარტიის „უფლება და სამართლიანობა“ კანდიდატი ანჯეი დუდა დამაჯერებლად იმარჯვებს პოლონეთის საპრეზიდენტო არჩევნების მეორე ტურში, იუწყება“რია ნოვოსტი“ სახელმწიფო საარჩევნო კომისიაზე დაყრდნობით, ხმათა 90%–ზე მეტის დამუშავების შემდეგ.
გასულ კვირას ქვეყანაში სახელმწიფო მეთაურის არჩევნები ჩატარდა. საარჩევნო ბიულეტენებში შეყვანილი იყვნენ ანჯეი დუდა და პოლონეთის მოქმედი პრეზიდენტი ბრონისლავ კომოროვსკი. წინასწარი ინფორმაციით, exit poll-ის თანახმად, ანჯეი დუდას ხმა მისცა ამომრჩეველთა 52,0%–მა, ხოლო ბრონისლავ კომოროვსკის – 48,0%–მა.
პოლონეთის სახელმწიფო საარჩევნო კომისიის ოფიციალური მონაცემების თანახმად, ბიულეტენების გადათვლის შემდეგ 51 საარჩევნო ოლქიდან 46–ში დუდამ ხმათა 52,46% დააგროვა, კომოროვსკიმ კი – 47,54%.
საპრეზიდენტო არჩევნებში მონაწილე ამომრჩეველთა რაოდენობამ 53,96% შეადგინა. წინასწარი ინფორმაციით, საბოლოო ოფიციალურ მონაცემებს პოლონეთის საარჩევნო კომისია ორშაბათს საღამოს გამოაქვეყნებს.
