თბილისი, 18 მაისი — Sputnik. საქართველოს რეგიონალური განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარე ვაჟა ფანჩულიძე 18 მაისს, ორშაბათს, თანამდებობიდან გადადგა.
ფანჩულიძემ თანამდებობიდან განთავისუფლების თხოვნით, პრემიერ-მინისტრთან შუამდგომლობისათვის, რეგიონული განვითარებისა და ინფრასტრუქტურის მინისტრ ნოდარ ჯავახიშვილს უკვე მიმართა.
აღნიშნულ თანამდებობაზე ვაჟა ფანჩულიძე 2014 წლის ივლისში, პრემიერ ირაკლი ღარიბაშვილის ბრძანებით დაინიშნა.
ვინ შეცვლის ფანჩულიძეს ამ პოსტზე ჯერჯერობით უცნობია.
