თბილისი,18 მაისი – Sputnik. საქართველოს ნატოში გაწევრიანებასთან დაკავშირებით ნატოს პოზიცია არ არის პასიური, მაგრამ საამისოდ კონკრეტული ვადები განსაზღვრული არ არის, განაცხადა ნატოს გენერალური მდივნის მოადგილემ ალექსანდრ ვერშბოუმ, იუწყება სააგენტომ РИА Новости.
„ჩვენ არავითარ შემთხვევაში არ გვსურს პასიურად გამოვიყურებოდეთ, თუმცა დღეს მე არ შემიძლია დავასახელო ვადები“, – განაცხადა მან ბუქარესტში მიმდინარე ნატოს საპარლამენტო სესიის მონაწილეების შეკითხვებზე პასუხისას.
2008 წელს ნატოს ბუქარესტის სამიტზე საქართველოსა და უკრაინას აღუთქვეს რომ მომავალში ისინი გახდებიან ჩრდილოატლანტიკური ალიანსის წევრები.
