ТБИЛИСИ, 14 мая — Sputnik. სლოვენიის ეროვნულმა ასამბლეამ ოთხშაბათს ევროკავშირსა და საქართველოს შორის ასოცირების შესახებ შეთანხმების რატიფიკაცირება მოახდინა, იტყობინება საქართველოს საგარეო საქმეთა სამინისტროს პრეს–სამსახური 14 მაისს გავრცელებულ ინფორმაციაში.
საქართველოს ევროკავშირთან ასოცირების შესახებ შეთანხმებას, რომლის განუყოფელ ნაწილს წარმოადგენს თავისუფალი ვაჭრობის ღრმა და ყოვლისმომცველი სივრცის თაობაზე შეთანხმება, ბრიუსელში ხელი 2014 წლის 27 ივნისს მოეწერა. საქართველოს პარლამენტმა დოკუმენტის რატიფიცირება 18 ივლისს, ხომ ევროპარლამენტმა –18 დეკემბერს მოახდინა. შეთანხმების ძალაში შესვლისათვის აუცილებელია ევროკავშირის ყველა წევრი ქვეყანის მხრიდან დოკუმენტის რატიფიცირება.
„დოკუმენტი მიღებული იქნა 69 ხმით, სამის წინააღმდეგ“, –ნათქვამია უწყების ინფორმაციაში.
სლოვენია ევროკავშირის რიგით 21– ე წევრი ქვეყანა გახდა, რომელმაც მოახდინა საქართველოსთან ასოცირების შესახებ შეთანხმების რატიფიცირება. მანამდე დოკუმენტის რატიფიცირება მოახდინეს ბულგარეთის, ლატვიის, რუმინეთის, მალტის, სლოვაკეთის, შვეიცარიის, უნგრეთის, ესტონეთის, დანიის, ხორვატიის, ირლანდიის, დიდი ბრიტანეთის, ფინეთის, გერმანიის, ლუქსენბურგის, პოლონეთის, ჩეხეთის, პორტუგალიისა და კვიპროსის საკანონმდებლო ორგანოებმა.
