თბილისი, 13 მაისი – Sputnik. აშშ–ის ეროვნულ – დემოკრატიული ინსტიტუტის (NDI) მიერ ჩატარებული მორიგი სოციოლოგიური კვლევის თანახმად, მმართველი კოალიცია „ქართული ოცნების “ შეხედულება გამოკითხულთა 21%–თვის მისაღებია, ხოლო პარტია „ერთიანი ნაციონალური მოძრაობა“ – 13%–თვის.
თავდაცვის ექს–მინისტრ ირაკლი ალასანიას ოპოზიციური პარტია „ჩვენი საქართველო – თავისუფალი დემოკრატები“ რეიტინგში მესამე ადგილზე 5%–ით მოხვდა. შემდეგი პოზიციები „ლეიბორისტულმა პარტიამ“ (3%) და „საქართველოს პატრიოტთა ალიანსმა“ (3%) დაიკავეს. შეკითხვაზე პასუხის გაცემისგან თავი შეიკავა რესპონდენტთა 6%–მა, ხოლო 8%–მა განაცხადა, რომ შეკითხვაზე პასუხი არ აქვთ. მათ შორის, საქართველოში გამოკითხულთა 35%–მა განაცხადა, რომ არცერთი პარტია არ მოსწონთ.
ახალი კვლევის „საზოგადოებრივი დამოკიდებულება საქართველოში“ მეორე ნაწილის შედეგების პრეზენტაცია NDI–ს დირექტორმა ლორა ტორნტონმა (Laura Thornton) 13 მაისს გამართა.
ყველაზე ძლიერი ოპოზიციური პარტია. იხილეთ:
სოციოლოგიური კვლევა „საზოგადოებრივი დამოკიდებულება საქართველოში“ საქართველოს მასშტაბით მიმდინარე წლის 27 მარტიდან 19 აპრილის ჩათვლით ჩატარდა.
პირდაპირი ინტერვიუს წესით გამოიკითხა 4 ათას 360 ადამიანი. ცდომილება 2,3 პროცენტს შეადგენს.
