თბილისი, 20 სექტემბერი - ”ახალი ამბები - საქართველო”, ანა თუთბერიძე. საქართველოს მთავრობა ახალ ათკილომეტრიან საავტომობილო გზას აშენებს, რომელიც სამეგრელო-ზემო სვანეთის რეგიონში ოთხ სოფელს დააკავშირებს, განუცხადეს ”ახალი ამბები - საქართველო” რეგიონული განვითარების და ინფრასტრუქტურის სამინისტროს პრეს-სამსახურში.
პრეს-სამსახურის მონაცემებით, გზა თანამედროვე სტანდარტების დაცვით გერმანული ტექნოლოგიით შენდება, რომელიც გზის დაფარვის ექსპლუატაციის 35 წლიან ვადას უზრუნველყოფს.
კერძოდ, იგება ცემენტ-ბეტონის გზის საფარი, ტრასა უზრუნველყოფილი იქნება სანიაღვრე სისტემით, ასევე გზის უსაფრთხოების უზრუნველყოფის აუცილებელი ნაგებობებით.
პროექტის ღირებულება 4 მილიონ 340 ათას ლარს შეადგენს.
