თბილისი, 16 სექტემბერი - ”ახალი ამბები - საქართველო”, ანა თუთბერიძე. საქართველოს პრეზიდენტი მიხეილ სააკაშვილი სამუშაო ვიზიტით ბრიუსელში იმყოფება, სადაც მონაწილეობას მიიღებს ევროპის სახალხო პარტიის სამიტში, აცნობეს ”ახალი ამბები - საქართველოს” კორესპონდენტს პრეზიდენტის პრეს-სამსახურში.
”მიხეილ სააკაშვილი 15 სექტემბერს ევროპის სახალხო პარტიის ყრილობაზე დასასწრებად გაემგზავრა. მიხეილ სააკაშვილი ევროპის ლიდერების შეკრებას დაესწრება. ევროკავშირის წევრი და სხვა ევროპული სახელმწიფოს ლიდერები, ევროპის საბჭოს პრეზიდენტი, ევროპული კომისია და ევროპის პარლამენტი მიწვეულნი არიან პარტიის სამიტში მონაწილეობის მისაღებად. სამიტს უმასპინძლებს ევროპის სახალხო პარტიის პრეზიდენტი-ვილფრიდ მარტენსი. დღის წესრიგში იქნება ევროპის საბჭოს 2010 წლის 16 სექტემბრის ყრილობა”, - აღნიშნულია განცხადებაში.
