თბილისი, 13 სექტემბერი - ”ახალი ამბები - საქართველო”, ნატალია სმოლნიკოვა. საქართველოს შინაგან საქმეთა სამინისტროს კონსტიტუციური უსაფრთხოების დეპარტამენტის თანამშრომლებმა პრობაციის, სასჯელაღსრულების და იურიდიული დახმარების სამინისტროსთან არსებული, ქალაქ ფოთის პრობაციის ბიუროს ოფიცერი ზურაბ ბირკაია დააკავეს, იუწყება შსს-ს პრეს-სამსახური.
ბირკაია ეჭვმიტანილია იმაში, რომ პირობით პატიმრობაში მყოფთა გამოცხადების დღესთან დაკავშირებით შეღავათისთვის პერიოდულად მათგან 100-100 ლარს იღებდა.
ბრალის დადასტურების შემთხვევაში დაკავებულს 9 წლამდე თავისუფლების აღკვეთა ემუქრება.
