ტრაგედია ჩინეთში: მეტროში შევარდნილ წყალს 12 ადამიანი ემსხვერპლა – მძიმე კადრები
09:11 21.07.2021 (განახლებულია: 15:43 20.07.2023)
© photo: Sputnik / Marina Zhurachowskaya
გამოწერა
ქალაქში დაწყებულია სამძებრო-სამაშველო სამუშაოები, 200 ათასამდე ადამიანის ევაკუაცია მოხდა. ძლიერ წვიმას დღესაც ელოდებიან.
თბილისი, 21 ივლისი — Sputnik. ჩინეთის ქალაქ ჩენჩჟოუში (ჰენანის პროვინცია) მოსული ძლიერი წვიმის შედეგად წყალი მეტროში შევარდა, დაღუპულია, სულ ცოტა, თორმეტი ადამიანი, იუწყება ტელეარხი CGTN ადგილობრივ ხელისუფლებაზე დაყრდნობით.
The videos shared on Chinese social media about the floodings in Henan following the heavy rain really show the severity of the situation. These are some of them. pic.twitter.com/zZMKxvAGAX
— Manya Koetse (@manyapan) July 20, 2021
გავრცელებული ინფორმაციით, წვიმის წყალი მეტროპოლიტენის ერთ-ერთი ხაზის თავზე მდებარე პარკინგზე დაგროვდა, რის შემდეგაც ნაკადმა მეტროში შეაღწია და სადგური დატბორა. ხელმძღვანელობამ სასწრაფოდ შეაჩერა მატარებლების მოძრაობა, ამ ტოტზე ელექტროენერგიის მიწოდება შეწყვიტა და ევაკუაცია დაიწყო.
devastating consequences of flood disaster
— N🅰R (@narsocial) July 20, 2021
Zhengzhou metro. China
pic.twitter.com/n4rGXeOaCy
მაშველებმა გვირაბიდან ხუთასამდე ადამიანის გამოყვანა შეძლეს.
„თორმეტი ადამიანის გადარჩენა ვერ მოხერხდა. ისინი დაიღუპნენ. ხუთი ადამიანი დაშავდა და საავადმყოფოებში არიან გადაყვანილი“, — ნათქვამია ხელისუფლების განცხადებაში.
ტელეარხის ცნობით, ბოლო დღე-ღამის განმავლობაში ჰენანის პროვინციაში 50-90 მმ ნალექი მოვიდა, ჩჟენჩჟოუში კი ამ მაჩვენებელმა 250-დან 329 მმ-მდე მიაღწია. სინოპტიკოსების პროგნოზის თანახმად, ქალაქში ძლიერი წვიმა დღესაც გაგრძელდება. ქალაქის ხელმძღვანელობამ უკვე მოახდინა 200 ათასამდე ადამიანის ევაკუაცია. დაწყებულია სამძებრო-სამაშველო სამუშაოები. ამასთან ხელისუფლება დილიდან აკონტროლებს ბაზრებსა და მაღაზიებს, რათა სურსათსა და აუცილებელ საქონელზე ფასებმა არ მოიმატოს.
