01:55 06 აგვისტო 2021
პირდაპირი ეთერი
  • EUR3.6624
  • 100 RUB4.2282
  • USD3.0927
მსოფლიოში
მოკლე ბმულის მიღება
სამეფო ოჯახის ამბები (74)
89 0 0

სამეფო წყვილის კიდევ ერთი შთამომავალი 4 ივნისს სანტა-ბარბარაში (კალიფორნია) დაიბადა. დედა და შვილი თავს ჯანმრთელად და კარგად გრძნობენ.

სასექსის ჰერცოგმა და ჰერცოგინიამ გადაწყვიტეს სასამართლოში სარჩელი შეიტანონ მათ წინააღმდეგ, ვისაც მათი ქალიშვილის სახელთან დაკავშირებით პრობლემა აქვთ. ერთ-ერთი ასეთი ბრიტანული BBC აღმოჩნდა. გამოცემამ გამოაქვეყნა მასალა იმის შესახებ, რომ სამეფო წყვილმა ქალიშვილს ბებიის პატივსაცემად დარქმეული სახელი ელისაბედ მეორის უკითხავად დაარქვა.

ამ ინფორმაციამ სერიოზულად განარისხა მეგან მარკლი და პრინცი ჰარი: ჰერცოგების ადვოკატებმა BBC-ს ოფიციალური წერილი გაუგზავნეს, სადაც არხი ტყუილსა და ცილისწამებაში დაადანაშაულეს. სასამართლოს დასკვნას თან ერთვოდა წყვილის პრეს-მდივნის განცხადება, რომელშიც გამოქვეყნდა ახალი, ნაკლებად ცნობილი დეტალი ბავშვის სახელის შესახებ.

„სასექსის ჰერცოგი ოჯახს ესაუბრა საჯაროდ გაკეთებულ განცხადებამდე. დედოფალი პირველი ადამიანი იყო, ვისაც დაურეკა და ჰკითხა, თუ სურდა, რომ ჰარის შვილისთვის ლილიბეტი დაერქმია“, – ნათქვამია განცხადებაში.

6 ივნისს ცნობილი გახდა, რომ პრინც ჰარისა და მეგან მარკლს მერე შვილი, გოგონა სახელად ლილიბეტ დაიანა შეეძინათ. ამის შესახებ ინფორმაცია წყვილის ოფიციალურ გვერდზე გავრცელდა. განცხადებაში ნათქვამი იყო, რომ გოგონა ქვეყანას 4 ივნისს, დილის 04:00 საათზე მოევლინა და ის და მეგანი თავს კარგად გრძნობენ.

BBC-ს წინააღმდეგ პრინცესა დიანას ვაჟებმა რამდენიმე კვირის წინაც გაილაშქრეს. 1995 წელს პრინცესა დიანამ BBC-ს ჟურნალისტს სენსაციური ინტერვიუ მისცა, რომელშიც მან თავისი პირადი ცხოვრების შესახებ ისაუბრა. როგორც გაირკვა, ეს ინტერვიუ ჟურნალისტმა პრინცესა დიანას მოტყუების ხარჯზე მოიპოვა.

1995 წელს მომხდარი მოვლენების გამო BBC-ს წარმომადგენელმა ტიმ დევიმ პრინც უილიამს და სამეფო ოჯახს ბოდიში მოუხადა. „მიუხედავად იმისა რომ BBC მეოთხედი საუკუნის გასვლის შემდეგ დროს უკან ვერ დააბრუნებს, ჩვენ მხოლოდ ის შეგვიძლია, რომ გულწრფელი ბოდიში მოვიხადოთ", — განაცხადა მან.

პრინცესა დიანა 1997 წელს პარიზში ავტოსაგზაო შემთხვევას ემსხვერპლა მას შემდეგ, რაც მის მანქანას პაპარაცები აედევნენ.

თემები:
სამეფო ოჯახის ამბები (74)

მთავარი თემები