თბილისი, 10 ივნისი – Sputnik. კანიე უესტმა დაბადების დღე საფრანგეთში ირინა შეიკთან ერთად რომანტიკული მოგზაურობით აღნიშნა. ისინი ნიუ-ჯერსიში ოთხშაბათს, საღამოს დაბრუნდნენ. 44 წლის კანიე უესტი და 35 წლის ირინა შეიკი კერძო თვითმფრინავით ტეტრბოროში ერთად ჩაფრინდნენ, თუმცა ტერიტორია ცალ-ცალკე დატოვეს.
Kanye West and Irina Shayk are dating!
— Lilian Chan (@bestgug) June 9, 2021
Kanye West rebounds with Irina Shayk as the pair are spotted on a romantic stroll in France on his 44th birthday
The pair, who have known each other for years, appeared to be comfortable around one another pic.twitter.com/FtfQ0iAmDG
აეროპორტიდან გამოსვლისას კანიე უესტმა სახე ქურთუკით დაიფარა. როგორც წყაროები წერენ, ეს მან პაპარაცებისგან თავის ასარიდებლად, ან COVID-19-ის რეგულაციების გამო გააკეთა. ირინა შეიკს კი შავი პირბადე ეკეთა, რომელიც Jesse Jo Stark-ის ბრენდის Deadly Doll-ის თეთრ ორეულსა და Burberry-ს ღია ფერის ჩანთას შეუხამა.
Irina Shayk touches down with Kanye West in New Jersey on private plane after romantic getaway to France https://t.co/Igr7z0JiwP
— Daily Mail Celebrity (@DailyMailCeleb) June 9, 2021
pagesix.com-ის ინფორმაციით, კანიე უესტი და ირინა შეიკი რამდენიმე კვირაა, რაც ერთმანეთს ხვდებიან. როგორც ცნობილია, შეიკისა და უესტის გზები პირველად 2010 წელს გადაიკვეთა, როცა მოდელი რეპერის მუსიკალურ კლიპში გამოჩნდა სახელწოდებით Power. ამის შემდეგ მათი მეგობრობა და საქმიანი პარტნიორობა კიდევ არაერთი პროექტის ფარგლებში გაგრძელდა.
გასულ თვეში ინტერნეტსივრცე მოიცვა კანიე უესტისა და ირინა შეიკის პაპარაცულმა ფოტოებმა. რეიტინგული გამოცემები წერდნენ, რომ მოდელი და რეპერი ერთმანეთს ხვდებოდნენ, თუმცა ამის დამადასტურებელი წყარო არ არსებობდა. ოთხშაბათს კი ცნობილი გახდა, რომ უესტის დაბადების დღე 8 ივნისს წყვილმა საფრანგეთში, სასტუმრო Villa La Coste-ში ერთად აღნიშნა.
Kanye West and Irina Shayk return to US together after romantic French trip https://t.co/iYOBUJITR4 pic.twitter.com/AoPp7G0tzK
— Page Six (@PageSix) June 9, 2021
ირინა შეიკი პირველი ქალია, ვისთანაც კანიე უესტმა კიმ კარდაშიანთან შვიდწლიანი თანაცხოვრების დასრულების შემდეგ ურთიერთობა წამოიწყო. კიმმა განქორწინების შესახებ განცხადება თებერვლის თვეში დაწერა. წყვილს ოთხი შვილი ჰყავს. ირინა შეიკს კი ბრედლი კუპერთან ერთი საერთო შვილი ჰყავს. მოდელს წარსულში ურთიერთობა ცნობილ ფეხბურთელთან კრიშტიანუ რონალდუსთანაც ჰქონდა.
