თბილისი, 2 ივნისი − Sputnik. აშშ−ის შეიარაღებული ძალები ამოწმებს ინფორმაციას, რომლის თანახმადაც ინტერნეტში გაჟონა მონაცემებმა ევროპაში ამერიკის ბირთვული იარაღის ადგილსამყოფელის შესახებ, განაცხადა ბრიფინგზე პენტაგონის ოფიციალურმა წარმომადგენელმა ჯონ კირბიმ.
.@PentagonPresSec: We’d like to take a moment to honor the passing of @tejindersingh, who many of you know as the founder and editor of @iatoday. pic.twitter.com/Li84KZe45j
— Department of Defense 🇺🇸 (@DeptofDefense) June 1, 2021
საუბარია ინტერნეტში განთავსებულ სასწავლო პროგრამაზე, რომელიც ბარათების მეშვეობით იძლევა ინფორმაციის დამახსოვრება−შენახვის საშუალებას, და რომლითაც სარგებლობდნენ კიდეც ამერიკელი სამხედროები.
„აშშ−ის სამხედრო−საჰაერო ძალების დეპარტამენტი სწავლობს საკითხს, შეიძლებოდა თუ არა გაეჟონა ინფორმაციას, რომელსაც სასწავლო ბარათების მეშვეობით ცვლიდნენ სამხედროები“, — განაცხადა კირბიმ.
ამასთან პენტაგონის ოფიციალურმა წარმომადგენელმა აღნიშნა, რომ, უსაფრთხოებიდან გამომდინარე, აღნიშნულ საკითხზე დეტალურად საუბარი არ შეუძლია, თუმცა ხაზი გაუსვა, რომ ამერიკული იარაღი საიმედოდაა დაცული და საფრთხე არ ემუქრება.
გასულ კვირაში ინტერნეტ−პორტალი Bellingcat−ი იუწყებოდა, რომ ამერიკელი სამხედროები, რომლებსაც აშშ−ის ბირთვული შეიარაღების დაცვა ევალებათ ევროპაში, ყველასათვის ხელმისაწვდომი დანართით სარგებლობდნენ ბირთვული იარაღის ადგილსამყოფელის დასამახსოვრებლად. აღნიშნული დანართი სასწავლო ხასიათისაა და ინფორმაციის შესანახად ბარათების გამოყენებას სთავაზობს მომხმარებელს. გავრცელებული ინფორმაციით, ამერიკელმა სამხედროებმა სწორედ ამ ბარათებზე ჩაწერეს ცნობები აშშ−ის ბაზების შესახებ, მათ შორის, საიდუმლო მონაცემები ბირთვული იარაღის დისლოკაციის თაობაზე. სავარაუდოდ სამხედროებს უბრალოდ დაავიწყდათ გაეთიშათ დანართის ხელსაწყოებიდან მასზე საყოველთაო წვდომა, რის შედეგადაც საიდუმლო ინფორმაცია „ღია სივრცეში“ აღმოჩნდა. ამ დროისათვის საიდუმლო მონაცემების შემცველი ბარათები პროგრამიდან მთლიანად წაშლილია.
