თბილისი, 14 მაისი – Sputnik. დიდი ასტეროიდი სახელწოდებით 2015 KJ19, რომელიც ზომებით ხეოფსის პირამიდას აღემატება, პარასკევს, 14 მაისს დედამიწას მოუახლოვდება, იუწყება მსოფლიო მასმედია NASA-ზე დაყრდნობით.
სააგენტოების ინფორმაციით, ასტეროიდის დიამეტრი 88-დან 200 მეტრამდეა (ხეოფსის პირამიდის სიმაღლე 147 მეტრია).
ასტეროიდი დედამიწას მინიმალურ დისტანციაზე თბილისის დროით 14:04 საათზე მოუახლოვდება.
ასტეროიდის ფრენის ტრაექტორიის უახლოესი წერტილი 15-ჯერ უფრო დიდი დაშორებისაა, ვიდრე მანძილი დედამიწიდან მთვარემდე. აქედან გამომდინარე, ასტეროიდი საფრთხეს არ წარმოადგენს.