ავსტრია მზადაა უმასპინძლოს ბაიდენისა და პუტინის პირისპირ შეხვედრას

CC BY 2.0 / Photo: Flickr / Andrey Belenko / Flag of Austriaავსტრიის დროშა
ავსტრიის დროშა - Sputnik საქართველო, 1920, 14.04.2021
გამოწერა
მანამდე გავრცელდა ინფორმაცია, რომ აშშ-ის და რუსეთის ლიდერებმა სატელეფონო საუბრისას პირადი შეხვედრის შესაძლებლობა განიხილეს.

თბილისი, 14 აპრილი — Sputnik. ავსტრია ყოველთვის მზადაა, უმასპინძლოს აშშ-ის და რუსეთის პრეზიდენტების შესაძლო შეხვედრას, თუ მხარეები სამიტის ჩატარებას მის ტერიტორიაზე გადაწყვეტენ, განაცხადეს ავსტრიის საგარეო საქმეთა სამინისტროში.

ენტონი ბლინკენი - Sputnik საქართველო, 1920, 09.04.2021
ბლინკენის განმარტება: რატომ თქვა ბაიდენმა პუტინზე ის, რაც თქვა

მანამდე თეთრმა სახლმა და კრემლმა გავრცელეს ინფორმაცია, რომ აშშ-ის და რუსეთის ლიდერებმა — ჯო ბაიდენმა და ვლადიმირ პუტინმა სამშაბათს ტელეფონით ისაუბრეს და უახლოეს თვეებში პირადი შეხვედრის შესაძლებლობა განიხილეს.

„გადაწყვეტილება, ჩატარდება თუ არა ამგვარი სამიტი, სად და როდის, ორი მხარის მისაღებია. ავსტრია, რა თქმა უნდა, ყოველთვის იქნება ყველა სახის მაღალი დონის მოლაპარაკებების მონაწილეთა განკარგულებაში“, — აღნიშნა საგარეო უწყების წარმომადგენელმა.

აღსანიშნავია, რომ ვენა ტრადიციულად არის აშშ-ს და რუსეთს შორის შეიარაღებაზე კონტროლის შესახებ მოლაპარაკებების ადგილი.

მანამდე თეთრი სახლის პრეს-მდივანმა ჯენ პსაკიმ ჟურნალისტებთან რეგულარულ ბრიფინგზე განაცხადა, რომ აშშ-ის და რუსეთის პრეზიდენტების პირისპირ შეხვედრა, შესაძლოა, ზაფხულში გაიმართოს.

ამასთან მან ხაზი გაუსვა, რომ მაღალი დონის შეხვედრის გეგმების გამო შეერთებული შტატები არ აპირებს პოზიციის შეცვლას რუსეთზე შემდგომ ზეწოლასთან დაკავშირებით.

ყველა ახალი ამბავი
0