თბილისი, 5 მარტი - Sputnik. იაპონიაში ოლიმპიური ცეცხლის დანთების ესტაფეტაში პლანეტის უხნესი ადამიანი, 118 წლის კანე ტანაკა მიიღებს მონაწილეობას, იუწყება CNN–ი.
Kane Tanaka, who has twice survived cancer, lived through two global pandemics and loves fizzy drinks, will take the flame as it passes through Shime, in her home prefecture of Fukuoka. https://t.co/3JXRrd8yGJ
— CNN Philippines (@cnnphilippines) March 5, 2021
აღინიშნება, რომ ქალბატონი ტანაკა ოლიმპიურ ჩირაღდანს ქალაქ შიმაში მიიღებს, სადაც ცხოვრობს კიდეც. ორგანიზატორების ჩანაფიქრით, დედამიწის ყველაზე ასაკოვან ქალს ასი მეტრის გადალახვა მოუწევს ინვალიდის სავარძლით, თუმცა ბოლო რამდენიმე ნაბიჯს საკუთარი ფეხით გაივლის.
ამასთან ორგანიზატორები განმარტავენ, რომ კანე ტანაკას მონაწილეობა ღონისძიებაში, რომელიც მაისშია დაგეგმილი და რომლის სპონსორიც სიცოცხლის დამზღვევი კომპანია გახლავთ, ქალი ჯანმრთელობის მდგომარეობასა და ამინდზეა დამოკიდებული.
„შესანიშნავია, რომ მან ასეთ ასაკს მიაღწია და ჯერ კიდევ შეუძლია აქტიური ცხოვრება. გვინდა, რომ სხვა ადამიანებმაც დაინახონ ეს და გამხნევდნენ, მიხვდნენ, რომ ასაკი დაბრკოლება არ არის“, — ამბობს ტანაკას შვილიშვილი.
კანე ტანაკა 1903 წლის 2 იანვარს დაიბადა. იაპონიაში სულ ბოლოს ჩატარებული ოლიმპიადის დროს, 1964 წელს ის 61 წლის იყო.
2019 წელს კანე ტანაკა ოფიციალურად ცნეს პლანეტი უხნეს ადამიანად.
