11:13 27 თებერვალი 2021
პირდაპირი ეთერი
  • EUR4.0322
  • 100 RUB4.4633
  • USD3.3255
მსოფლიოში
მოკლე ბმულის მიღება
86 0 0

მეცნიერების ვარაუდით, ეს, შესაძლოა, ასტეროიდების სარტყლის მეტეორი ყოფილიყო, რომელიც გარკვეულ მომენტში ცეცხლოვან ბურთად გარდაიქმნება და ფეთქდება.

თბილისი, 16 თებერვალი — Sputnik. ავსტრალიის ქალაქ მელბურნის მცხოვრებლებმა ღამის ცაში ნამდვილი ცეცხლოვანი ბურთი შენიშნეს, რომელიც აფეთქებულ მეტეორს ჩამოჰგავდა, იუწყება გამოცემა 7 News.

გამოცემის ინფორმაციით, ნათება ძალიან კაშკაშა იყო, თუმცა აფეთქებისთვის დამახასიათებელი მაღალი ხმა არ ახლდა.

„დიდი ალბათობით, თვითმხილველები ძალიან შორს იყვნენ. ადამიანის თვალს მეტეორის დანახვა 500 კილომეტრის დაშორებით შეუძლია“, — ვარაუდობენ ექსპერტები.

აღსანიშნავია, რომ ცეცხლოვანი ბურთი ავსტრალიის სხვა რეგიონებიდანაც დაინახეს.

გავრცელებული ინფორმაციით, უზარმაზარმა ბოლიდმა დედამიწამდე ვერ მოაღწია — ის ადგილობრივი დროით 22:40 საათზე აფეთქდა ცაშივე და უამრავ ნამსხვრევად გაიფანტა.

მეცნიერებს მიაჩნიათ, რომ ციური სხეულის ნამსხვრევები უკეანეში ჩაცვივდა. 

კოსმოსური მეცნიერებისა და ტექნიკის ცენტრმა იშვიათი მოვლენის თვითმხილველებს მოუწოდა, ინფორმაცია International Meteor Organization-ს მიაწოდონ.

 

მთავარი თემები