თბილისი, 28 იანვარი — Sputnik. საფრანგეთში გამოძიება დაიწყო იმ პოლიციელების წინააღმდეგ, რომლებმაც პარიზის გარეუბანში მდებარე პოლიციის განყოფილებაში წვეულება მოაწყვეს კომენდანტის საათის დროს, წერს ფრანგული მასმედია.
En plein couvre-feu, ce commissariat a tenu un pot de départ, sans masque, sans distanciation sociale, alors que ces rassemblements sont interdits.
— Loopsider (@Loopsidernews) January 27, 2021
Bienvenue au commissariat d'Aubervilliers en Seine-Saint-Denis. pic.twitter.com/ToApjj2on9
გავრცელებული ინფორმაციით, წვეულება ობერვილის კომისარიატში 22 იანვარს გაიმართა, რომელსაც 50-მდე სამართალდამცველი ესწრებოდა პირბადეების გარეშე. უფრო მეტიც, მათ „მაკარენაც“ იცეკვეს, რა დროსაც სოციალური დისტანცია დაარღვიეს.
ვიდეო წვეულებიდან ერთი კვირის შემდეგ გამოაქვეყნა პორტალმა Loopsider-მა.
„ფურშეტი ობერვილის საპოლიციო უბანში კომენდანტის საათის დროს მოეწყო... წვეულების მონაწილეთა მიმართ მიმდინარეობს ადმინისტრაციული გამოძიება, მიღებული იქნება ადმინისტრაციული ზომები“, — ნათქვამია პოლიციის Twitter-ზე.
აღსანიშნავია, რომ რთული ეპიდემიოლოგიური ვითარებიდან გამომდინარე, საფრანგეთში 15 დეკემბრიდან მოქმედებს კომენდანტის საათი. 16 იანვრიდან კი მისი მოქმედება კიდევ უფრო გაფართოვდა ვირუსის ახალი შტამების გამოვლენის გამო. ახალი შეზღუდვის თანახმად, მოქალაქეებს გარეთ გასვლა 18:00 საათიდან ეკრძალებათ.