21:28 15 იანვარი 2021
პირდაპირი ეთერი
  • EUR4.0062
  • 100 RUB4.4937
  • USD3.2935
მსოფლიოში
მოკლე ბმულის მიღება
მსოფლიო დღეს (2471)
748 0 0

დამატებითი წამი თუმცა დროის შკალაში მხოლოდ მაშინ შეაქვთ, როცა ატომური საათი მნიშვნელოვნად უსწრებს ასტრონომიულს პლანეტის არათანაბარი ბრუნვის გამო

თბილისი, 2 იანვარი — Sputnik. გასული წლის 31 დეკემბრიდან ახალი წლის 1 იანვრის ღამით დამატებითი წამი მსოფლიო კოორდინირებული დროის შკალაში (UTC)  არ შესულა, რაც დედამიწის ბრუნვის თავისებურებით აიხსნება, აცხადებენ დედამიწის ბრუნვის დროის, სიხშირისა და  პარამეტრების განმსაზღვრელ სააგენტოში.

სპეციალისტების თქმით, ჩვენი პლანეტა ბოლო ოთხი წლის განმავლობაში კი არ ანელებს, პირიქით აჩქარებს ბრუნვას.

სააგენტოში განმარტავენ, რომ ბოლოს დროის შკალაში 2016  წლის 31 დეკემბერი–2017 წლის 1 იანვრის დამატებითი წამი შეიტანეს. მას შემდეგ დედამიწის საშუალო წლიური კუთხოვანი დაჩქარება მხოლოდ იზრდება.

ტრადიციულად, დამატებითი წამი დღე–ღამეს ან 31 დეკემბერს ემატება, ან 30 ივნისს. თუმცა არა ყოველწლიურად, არამედ მხოლოდ მაშინ, როცა ატომური საათი მნიშვნელოვნად უსწრებს ასტრონომიულს პლანეტის არათანაბარი ბრუნვის გამო.

აღსანიშნავია, რომ უარყოფითი დამატებითი წამი არასდროს შეუტანიათ დროის შკალაში, ანუ 24 საათისთვის ეს წამი არასდროს მოუკლიათ.

როდის შეუქმნის გადახურებული მზე დედამიწას საფრთხეს: ცნობილი გახდა თარიღი>>

გამომდინარე იქიდან, რომ დედამიწა ზედიზედ რამდენიმე წლის განმავლობაში აჩქარებს ბრუნვას, ზოგი სპეციალისტი უკვე ფიქრობს, ხომ არ არის საჭირო, რომ საათის ისრები ერთი წამით წინ გადაიწიოს. ნებისმიერ შემთხვევაში, თუ ამის საჭიროება დადგა, გადაწყვეტილებას დედამიწის ბრუნვის დროის, სიხშირისა და  პარამეტრების განმსაზღვრელ სააგენტო მიიღებს.

 

 

თემები:
მსოფლიო დღეს (2471)

მთავარი თემები