მსოფლიო ხელისგულზე - Sputnik საქართველო
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ბევრია ტრამპის მხარდამჭერი: ბაიდენი საიდუმლო სამსახურში მასშტაბურ ცვლილებებს გეგმავს

© AFP 2024 / Mark Makelaჯო ბაიდენი
ჯო ბაიდენი - Sputnik საქართველო
გამოწერა
ბაიდენი ისევე არ ენდობა ტრამპის პერიოდის საიდუმლო სამსახურის აგენტებს, როგორც თავის დროზე ბილ კლინტონი არ ენდო ჯორჯ ბუშის პერიოდის კადრებს

თბილისი, 31 დეკემბერი — Sputnik. ჯო ბაიდენის თანამდებობაზე მოსვლის შემდეგ აშშ–ის საიდუმლო სამსახურის შემადგენლობაში, რომლის ფუნქციაშიც პრეზიდენტისა და მისი რეზიდენციის დაცვა შედის, მასშტაბური ცვლილებები იგეგმება, იუწყება The Washington Post–ი.

​გამოცემის ცნობით, კადრების შეცვლის ერთ–ერთი მიზეზი ისაა, რომ საიდუმლო სამსახურის აგენტებს შორის საკმაოდ ბევრია დონალდ ტრამპის მხარდამჭერი.

როგორც „ვაშინგტონ პოსტი“ წერს, ბაიდენი არ ენდობა ტრამპთან დაახლოებულ აგენტებს — ისევე, როგორც ბილ კლინტონი არ ენდო ჯორჯ ბუშის პერიოდის კადრებს.

აღნიშნება, რომ საიდუმლო სამსახურის ძველ შემადგენლობას იმ პირებით ჩაანაცვლებენ, რომლებიც უკვე იცავდნენ ბაიდენს მაშინ, როდესაც ის ბარაკ ობამას ადმინისტრაციაში აშშ–ის ვიცე–პრეზიდენტი იყო.

ამასთან გამოცემა იუწყება, რომ საიდუმლო სამსახურის ერთ–ერთი ფუნქციონერი, ენტონი ორნატო, გარკვეული  დროის განმავლობაში თეთრი სახლის მრჩეველიც კი იყო დონალდ ტრამპის მხარდამჭერი მიტინგების ჩატარების საკითხებში.

 

ყველა ახალი ამბავი
0