თბილისი, 23 დეკემბერი — Sputnik. ჯონს ჰოპკინსის უნივერსიტეტის სპეციალური პროექტის მონაცემებით, მსოფლიოში ახალი ტიპის კორონავირუსით ინფიცირებულთა რაოდენობამ 78 105 462 კაცი შეადგინა, ანუ ინფიცირებულია ყოველი მეასე.
როგორც გაეროს მოსახლეობის პოპულაციის ფონდის მონაცემებიდან ირკვევა, 2020 წლის შუა პერიოდისთვის პლანეტაზე 7,795 მლრდ ადამიანი ცხოვრობდა. შესაბამისად, ინფიცირებულთა დღევანდელი რაოდენობა დედამიწის მოსახლეობის 1%-ზე მეტია და დაახლოებით ყოველი მეასე ადამიანის ინფიცირებაზე მეტყველებს.
კორონავირუსით ინფიცირებულთა რაოდენობით პირველ ადგილზეა აშშ (18,2 მლნ დადგენილი შემთხვევა). მას მოჰყვებიან ინდოეთი და ბრაზილია, შემდეგ კი რუსეთი.
ამასთან აღინიშნება, რომ კორონავირუსის მეორე ტალღის პერიოდში დაავადების ლეტალობა შემცირებულია. თუ პირველი ტალღისას სიკვდილიანობის მაჩვენებელი 6–7%-ს შეადგენდა, ახალი მონაცემებით ეს მაჩვენებელი დაახლოებით 2,2%-ია.
