თბილისი, 22 დეკემბერი — Sputnik. აშშ-ის ახლადარჩეულ პრეზიდენტს ჯო ბაიდენს ნიუარკის (დელავერის შტატი) ჰოსპიტალში კორონავირუსზე ვაქცინაცია ჩაუტარდა, იუწყება ტელეარხი CNN.
გავრცელებული ინფორმაციით, ბაიდენს Pfizer/BioNTech-ის ვაქცინის პირველი დოზა შეუყვანეს, რამდენიმე კვირის შემდეგ კი ახლადარჩეული პრეზიდენტი პრეპარატის მეორე დოზასაც მიიღებს.
President-elect Joe Biden receives his first dose of Covid-19 vaccine https://t.co/nqsCFtQsx5 pic.twitter.com/0w83G9IzZW
— CNN Politics (@CNNPolitics) December 21, 2020
აღსანიშნავია, რომ ვაქცინაციის პროცესს CNN პირდაპირ ეთერში გადასცემდა.
ინექციის შემდეგ ჯო ბაიდენმა სამედიცინო პერსონალის წარმომადგენლებს მადლობა გადაუხადა.
„მე ამას იმისთვის ვაკეთებ, რომ ხალხი მზად იყოს ვაქცინაციისთვის, როგორც კი ვაქცინა ხელმისაწვდომი გახდება“, — აღნიშნა ახლადარჩეულმა პრეზიდენტმა.
ცნობილი ხდება, რომ მანამდე, 21 დეკემბერს კოვიდ–აცრა ასევე გაიკეთა მისმა მეუღლემ ჯილ ბაიდენმაც. ხოლო არჩეული ვიცე-პრეზიდენტი კამალა ჰარისი და მისი მეუღლე დუგლას ემჰოფი მომდევნო კვირაში აიცრებიან.