თბილისი, 22 დეკემბერი — Sputnik. ევროკავშირის მთელ ზრდასრულ მოსახლეობას უნდა მიეცეს შესაძლებლობა, რომ მომავალი წლის განმავლობაში კორონავირუსის ვაქცინაცია ჩაიტაროს, ნათქვამია ევროკომისიის მასალებში.
Today we add an important chapter to a European success story, by making available the 1st #COVID19 vaccine for Europeans.
— Ursula von der Leyen (@vonderleyen) December 21, 2020
More will come.
It will be available to all EU countries at the same time, on the same conditions #EUvaccinationdays https://t.co/4Xa17PQkMv
ამასთან აღინიშნება, რომ თავდაპირველად ევროკავშირს არ ექნება ვაქცინის საკმარისი რაოდენობა იმისთვის, რომ ყველა ზრდასრული მოქალაქე უზრუნველყოს აცრებით.
„[ვაქცინის] გავრცელება ეტაპობრივად დაიწყება. ეს იმას ნიშნავს, რომ პირველი რამდენიმე თვის განმავლობაში ზრდასრულების ვაქცინაციისთვის საკმარისი დოზა არ გვექნება... დროთა განმავლობაში მიწოდება გაიზრდება და ყველა ზრდასრულმა უნდა მიიღოს 2021 წლის განმავლობაში ვაქცინაციის შესაძლებლობა“, — აცხადებს ევროკომისია.
ამასთან ორგანიზაციის ხელმძღვანელმა ურსულა ფონ დერ ლაიენმა გაავრცელა ინფორმაცია, რომ ევროკომისიამ ევროკავშირის ბაზარზე Pfizer/BioNTech-ის ვაქცინის გამოყენება დაუშვა. ცნობილია ისიც, რომ ევროკავშირის ქვეყნებში ვაქცინაცია შეიძლება 27–29 დეკემბერს დაიწყოს.