თბილისი, 17 დეკემბერი — Sputnik. ევროპარლამენტმა ბრიუსელში გამართულ სხდომაზე ევროკავშირის შვიდწლიანი ბიუჯეტი დაამტკიცა, ნათქვამია EU budget-ის ტვიტერზე.
#MFF adopted! Parliament gives consent to long-term #EUbudget 2021-2027 with 548 votes in favour, 81 against and 66 abstentions. Find the text here: https://t.co/n4nNmRkhM7 A journey of 2 1/2 years comes to an end.
— BUDG Committee Press (@EP_Budgets) December 16, 2020
ევროკავშირის საბჭოსთან 10 ნოემბერს შეთანხმებული 2021–2027 წლების ბიუჯეტის პროექტი 548 ხმით დამტკიცდა. 81-მა დეპუტატმა წინააღმდეგ მისცა ხმა, 66-მა თავი შეიკავა.
ბიუჯეტის მოცულობა 1,074 ტრილიონი ევროა.
ევროპარლამენტმა მოლაპარაკებებით მიაღწია დამატებით 15 მლრდ ევროს გამოყოფას 10 საკვანძო პროგრამისთვის. მათ შორისაა სამეცნიერო კვლევები, ჯანდაცვა, „მწვანე ეკონომიკა“ და გაციფრულება.
მანამდე გავრცელდა ინფორმაცია, რომ ევროკავშირი 500 მლნ ევროს გამოყოფს ღარიბი ქვეყნებისთვის კოვიდ–ვაქცინების შეძენა–მიწოდებაზე, რასაც „იუნისეფი“ და ჯანდაცვის პანამერიკული ორგანიზაცია განახორციელებენ COVAX-ის სახელით.