თბილისი, 1 ნოემბერი - Sputnik. ადამიანები, რომლებიც სათვალეს ატარებენ, COVID-19–ით ხუთჯერ ნაკლებად ავადდებიან, აცხადებს ბიოლოგიურ მეცნიერებათა დოქტორი სერგეი ნეტესოვი ჩინელ მეცნიერთა კვლევაზე დაყრდნობით.
ბიოლოგის თქმით, ეს ტენდენცია მკაფიოდ სწორედ ჩინეთში გამოვლინდა, სადაც მოსახლეობის უმეტესობა კონტაქტურ ლინზებს ამჯობინებს სათვალეს.
„გაირკვა, რომ COVID–19–ით დაავადებულ პაციენტებს შორის ძალიან ცოტა იყო ისეთი, ვინც სათვალეს ატარებდა — სულ ათი პროცენტი“, — აცხადებს მეცნიერი.
როგორც ნეტესოვი ამბობს, ინფიცირების მთავარი არხები — ეს ცხვირი და თვალის ლორწოვანაა. ამიტომ მოუწოდა საზოგადოებას, აუცილებლად ატარონ დამცავი საშუალებები.
ვირუსის აფეთქების მომენტიდან დღემდე მსოფლიშო კოვიდინფიცირებულთა საერთო რაოდენობა ამ დროისათვის 46 071 388 კაცს აღწევს. აქედან გარდაიცვალა 1 195 408 და განიკურნა 30 823 597 პაციენტი.