თბილისი, 28 ოქტომბერი — Sputnik. ნიუ-იორკში სექს-კულტ NXIVM-ის („ნექსიუმი“) ლიდერ კიტ რანიეს, რომელმაც თაღლითური გზით შეძლებული ქალბატონებისგან ერთგვარი ჰარემი შექმნა, სასამართლომ 120 წლით პატიმრობა მიუსაჯა, იუწყება New York Times.
Breaking News: Keith Raniere, the Nxivm cult leader, was sentenced to life in prison after his victims gave wrenching testimony about how he sexually abused them. https://t.co/mYjDFdF2Ra
— The New York Times (@nytimes) October 27, 2020
გავრცელებული ინფორმაციით, რანიე აცდუნებდა მდიდარ ადამიანებს, რომლებსაც „მაღალი ცხოვრებისეული მიზნები“ არ ჰქონდათ და საკუთარი ორგანიზაციის ფარგლებში მათ „პიროვნული სრულყოფის ტრენინგებს“ სთავაზობდა. ამ გზით ის მეტად პოპულარული გახდა ჰოლივუდსა და ბიზნეს-წრეებში.
ბრალდების თანახმად, კიტ რანიე ქალებს სექსუალურ მონებად იყენებდა, ბევრ მათგანს საიდუმლო ცერემონიაზე საკუთარი ინიციალების დამღას ადებდა, აშიმშილებდა და ფულს სძალავდა მათ. ამასთან, ახდენდა რა ფსიქოლოგიურ ზეგავლენას, ის აიძულებდა ქალებს, გაეგზავნათ მისთვის შიშველ მდგომარეობაში გადაღებული ფოტოები, რათა კომპრომატად გამოეყენებინა იმ შემთხვევაში, თუ ქალები მის ორგანიზაციასთან კავშირის გაწყვეტას მოისურვებდნენ.
ამასთან 60 წლის კიტ რანიეს სექსუალური ექსპლუატაციის მიზნით ადამიანებით ვაჭრობა და ასევე სხვა დანაშაულებიც ედებოდა ბრალად.
სასამართლოზე რანიეს წინააღმდეგ მისმა თხუთმეტმა მსხვერპლმა მისცა ჩვენება. ამასთან 50-ზე მეტი ადამიანი წერილობით ითხოვდა კულტის ლიდერის მიმართ გულმოწყალების გამოჩენას, ვინაიდან რანიეს „ტრენინგებმა მათი ცხოვრება უკეთესობისკენ შეცვალა“.
გარდა ფაქტობრივად სამუდამო პატიმრობისა, სასამართლომ სექს-სექტის ლიდერს 1,75 მლნ დოლარის ჯარიმაც დააკისრა.
