თბილისი, 27 ოქტომბერი — Sputnik. მთვარის იმ ნაწილში, რომელიც დედამიწიდან ჩანს, პირველად დადასტურდა წყლის არსებობა, განაცხადეს აშშ-ის აეროკოსმოსური სააგენტო NASA-ს წარმომადგენლებმა პრესკონფერენციაზე.
NEWS: We confirmed water on the sunlit surface of the Moon for the 1st time using @SOFIAtelescope. We don’t know yet if we can use it as a resource, but learning about water on the Moon is key for our #Artemis exploration plans. Join the media telecon at https://t.co/vOGoSHt74c pic.twitter.com/7p2QopMhod
— Jim Bridenstine (@JimBridenstine) October 26, 2020
აღმოჩენა გაკეთდა კვლევისას, რომელიც გერმანულ–ამერიკულ სტრატოსფერულ ობსერვატორია SOFIA-ში მიმდინარეობდა. ეს ობსერვატორია Boeing 747-ის ბორტზეა განთავსებული.
„ჩვენ პირველად შეგვიძლია დავადასტუროთ წყლის არსებობა მთვარის მზით განათებულ ნაწილში იმ მონაცემების წყალობით, რომლებიც SOFIA-ს ტელესკოპით მივიღეთ. ჩვენ ჯერჯერობით არ ვიცით, შევძლებთ თუ არა მის გამოყენებას რესურსის სახით. მთვარეზე წყლის ძებნას საკვანძო მნიშვნელობა აქვს ჩვენი კვლევითი გეგმებისთვის პროგრამა Artemis-ის ფარგლებში“, — წერს სოციალურ ქსელში NASA-ს ხელმძღვანელი ჯიმ ბრაიდენსტაინი.
წყლის მოლეკულები მთვარის სამხრეთ ნახევარსფეროში, კლავიუსის კრატერშია აღმოჩენილი, რომელიც დედამიწიდან ჩანს. მიღებული მონაცემების თანახმად, კრატერის ერთ კუბურ მეტრ ნიადაგში დაახლოებით 0,3 ლიტრი წყალია. მკვლევარები მანამდე ვარაუდობდნენ, რომ წყალი მთვარეზე შესაძლოა მთვარის ბნელ მხარეზე არსებულ კრატერებში ყოფილიყო.
