თბილისი, 23 ოქტომბერი — Sputnik. ხუთი წლის ბიჭუნას ექიმებმა ტრაქეიდან უზარმაზარი წურბელა ამოუღეს, იუწყება გაზეთი The Daily Mail.
გავრცელებული ინფორმაციით, შემთხვევა ჩინეთის პროვინცია იუნანის საავადმყოფოში მოხდა.
Revolting moment surgeon pulls out a wiggling leech from a boy, five, after it lived in his body for more than a yearhttps://t.co/7rBfHN7wvP pic.twitter.com/YaeQMgmajf
— dada (@dadababako1966) October 23, 2020
ირკვევა, რომ მანამდე ბავშვი მთელი წლის განმავლობაში უჩიოდა ყელის ტკივილსა და გაძნელებულ სუნთქვას. მშობლებმა სცადეს შვილისთვის თვითონ ემკურნალათ, მაგრამ მცდელობა წარუმატებელი გამოდგა და საბოლოოდ ექიმებს მიმართეს.
ბავშვის გამოკვლევის პროცესში ექიმმა მის ტრაქეაში ცოცხალი წურბელა აღმოაჩინა და სასწრაფოდ ოპერაცია დანიშნა. ბიჭს პარაზიტი, რომელიც უკვე ზრდასრული ადამიანის ხელისგულის სიგრძის იყო, 16 ოქტომბერს ამოუღეს ქირურგიული გზით.
სპეციალისტები ვარაუდობენ, რომ წურბელა ბავშვის ორგანიზმში დაბინძურებული წყლის დალევის შედეგად მოხვდა.
