თბილისი, 22 ოქტომბერი — Sputnik. ევროკავშირის საბჭოს ხელმძღვანელის შარლ მიშელის გადაწყვეტილებით, 29 ოქტომბერს ევროკავშირის წევრი ქვეყნების ლიდერებისა და მთავრობების ონლაინ–სამიტი გაიმართება, რომელიც COVID-19-ის პანდემიას მიეძღვნება.
ამის თაობაზე შარლ მიშელმა საკუთარ Twitter-ის გვერდზე დაწერა.
Inviting leaders for an informal video conference on 29 October 2020 on COVID-19
— Charles Michel (@eucopresident) October 21, 2020
We need to strengthen our collective effort to fight #COVID19
„2020 წლის 29 ოქტომბერს COVID-19-ის თემაზე არაფორმალურ ვიდეოკონფერენციაზე ვიწვევ ლიდერებს. ჩვენ უნდა გავაძლიეროთ კოლექტიური ძალისხმევა COVID-19-თან ბრძოლაში“, – ნათქვამია განცხადებაში.
ეს ევროკავშირის რიგით მესამე სამიტი იქნება მიმდინარე თვეში, რომელიც კონკრეტულად კორონავირუსის პანდემიასთან ბრძოლის მეთოდებს ეძღვნება.
აღსანიშნავია, რომ ევროკავშირის ქვეყნებში ბოლო პერიოდში ეპიდემიოლოგიური სიტუაცია მკვეთრად გაუარესდა — ცალკეულ სახელმწიფოებში მასობრივად ფიქსირდება ინფიცირების ანტირეკორდები. ხოლო ესპანეთი სულაც პირველი ქვეყანა გახდა ევროპაში, სადაც კორონავირუსით ინფიცირებულთა რაოდენობამ მილიონს გადააჭარბა.
COVID-19-მა მორიგი რეკორდი დაამყარა: ჯანმომ ერთი კვირის შედეგები გამოაქვეყნა>>
ჯონს ჰოპკინსის უნივერსიტეტის სპეციალური პროექტის მონაცემებით, ვირუსის აფეთქების მომენტიდან დღემდე მსოფლიოში კორონავირუსით ინფიცირებულთა საერთო რაოდენობა 41 228 181 კაცს შეადგენს, რომელთაგან გარდაიცვალა 1 131 339 ადამიანი.
