თბილისი, 7 ოქტომბერი — Sputnik. აშშ-ის პრეზიდენტმა დონალდ ტრამპმა გასცა განკარგულება, გასაჯაროვდეს დოკუმენტები, რომლებიც თითქოსდა მის რუსეთთან „კავშირებს“ ეხება. აღნიშნულის თაობაზე პრეზიდენტმა საკუთარ Twitter-ზე დაწერა.
I have fully authorized the total Declassification of any & all documents pertaining to the single greatest political CRIME in American History, the Russia Hoax. Likewise, the Hillary Clinton Email Scandal. No redactions! https://t.co/GgnHh9GOiq
— Donald J. Trump (@realDonaldTrump) October 7, 2020
„გავეცი სანქცია, სრულად გამოქვეყნდეს ყველა დოკუმენტი, რომლებიც უდიდეს პოლიტიკურ დანაშაულს ეხება ამერიკის ისტორიაში — სიყალბეს რუსეთთან კავშირებზე“, – წერს ამერიკის ლიდერი.
გარდ ამისა, ტრამპმა გადაწყვიტა გაასაჯაროოს ინფორმაცია ჰილარი კლინტონის მიმოწერების თაობაზეც, რომლებსაც ყოფილი სახელმწიფო მდივანი პირადი სერვერის მეშვეობით აწარმოებდა და არა კავშირის დაცული სამთავრობო არხებით.
კიდევ ერთ Twitter–პუბლიკაციაში ამერიკის ლიდერმა შეახსენა საზოგადოებას, რომ „რუსეთთან შეთქმულების“ შესახებ ყველა მონაცემი, რასაც თითქოს 2016 წლის საპრეზიდენტო არჩევნებამდე ჰქონდა ადგილი, მან კარგა ხნის წინ გამოაქვეყნა.
აშშ-ის ხელისუფლებამ რუსეთი 2016 წლის საპრეზიდენტო არჩევნებში ჩარევაში დაადანაშაულა, რაც არაერთხელ უარყვეს რუსეთის სხვადასხვა დონის წარმომადგენლებმა. ამერიკულმა სპეცსამსახურებმა ტრამპის საარჩევნო შტაბის წევრებზე თვალთვალიც კი დააწესეს. საბოლოოდ საარჩევნო კამპანიაში „რუსული კვალის“ საქმეს სპეცპროკურორი რობერტ მიულერიც კი იძიებდა, რომელმაც ხანგრძლივი ძიების პროცესში შეთქმულების ვერანაირი კვალი ვერ აღმოაჩინა.