თბილისი, 3 ოქტომბერი — Sputnik. ამერიკის ლიდერი ვაშინგტონის გარეუბანში მდებარე უოლტერ რიდის ჰოსპიტალშია მოთავსებული და მას უკვე დაუწყეს პრეპარატ რემდესივირით მკურნალობა, აცხადებს თეთრი სახლი.
როგორც ტრამპის პირადი ექიმი შონ კონლი ამბობს, პრეზიდენტი თავს კარგად გრძნობს, და მას არ სჭირდება დამატებითი ჟანგბადი.
„თუმცა სპეციალისტებთან კონსულტაციის შემდეგ გადავწყვიტეთ, რემდესივირით თერაპია დაგვეწყო. პრეზიდენტმა უკვე მიიღო პირველი დოზა და კომფორტულად ისვენებს“, — აღნიშნა კონლიმ.
მანამდე დონალდ ტრამპმა სამხედრო ჰოსპიტალში შესვლამდე ვიდეომიმართვა გაავრცელა და ასევე მადლობა გადაუხადა ყველას.
— Donald J. Trump (@realDonaldTrump) October 2, 2020
- „ვფიქრობ, ყველაფერი კარგადაა! მადლობა ყველას, მიყვარხართ!“ — დაწერა პრეზიდენტმა საკუთარ ტვიტერ–აკაუნტზე.
როგორც მანამდე თეთრ სახლში განაცხადეს, პრეზიდენტი სამხედრო ჰოსპიტალში რამდენიმე დღეს დაჰყოფს.
