თბილისი, 15 სექტემბერი — Sputnik. მამაკაცებს, რომლებსაც ქუჩაში პირბადე არ უკეთიათ პანდემიის პირობებში, ინდონეზიის გრესეკის ოლქის ხელისუფლება „პროფილაქტიკის მიზნით“ ორიგინალურად სჯის, იუწყება გამოცემა The Daily Mail.
Anyone refusing to wear a mask is made to dig GRAVES for Covid-19 victims as punishment in East Java https://t.co/BggkYOzeQS
— Daily Mail Online (@MailOnline) September 14, 2020
გავრცელებული ინფორმაციით, პირბადის რეჟიმის დამრღვევებს COVID-19-ით დაღუპულთა საფლავების სათხრელად ამწესებენ. ამ დროისათვის ასეთი სასჯელი უკვე რვა ადამიანს აქვს დაკისრებული.
როგორც ირკვევა, გრესიკში კორონავირუსით ინფიცირებულთა რაოდენობა მატულობს და ამიტომ სოფლებში საკარანტინო შეზღუდვები ძლიერდება.
ადგილობრივი ხელისუფლების წარმომადგენელმა ჟურნალისტებს განუცხადა, რომ მის ტერიტორიაზე მხოლოდ სამი პროფესიონალი მესაფლავეა დარჩენილი და „ამ სახის დახმარება ზედმეტი არ არის“.
ჯონს ჰოპკინსის უნივერსიტეტის სპეციალური პროექტის მონაცემებით, ვირუსის აფეთქების მომენტიდან დღემდე მსოფლიოში ახალი ტიპის კორონავირუსით სულ ინფიცირებულია 21 281 638 ადამიანი. აქედან გარდაიცვალა 928 423 და განიკურნა 19 864 512 კაცი.
