თბილისი, 14 სექტემბერი — Sputnik. ხუთი წლის ბიჭუნა ქორწილის დროს მომხდარ უბედურ შემთხვევას ემსხვერპლა, იუწყება გაზეთი New York Post.
Boy dies at suburban Chicago hotel after granite tabletop falls on his head https://t.co/SYB5hDxjIC pic.twitter.com/33ozmkPqpp
— New York Post (@nypost) September 12, 2020
გავრცელებული ინფორმაციით, ტრაგედია 4 სექტემბერს მოხდა სასტუმრო Drake Hotel-ში, სადაც პატარა ლუკა ბერლინგერიო მშობლებთან ერთად იმყოფებოდა ახლობლების ქორწილში.
პოლიციის ინფორმაციით, სასტუმროს სათვალთვალო კამერებზე ჩანს, როგორ ადის ლუკა გრანიტის ზედაპირიან მაგიდაზე, რომლის გვერდით მდგარ დივანზე სხვა ბავშვები თამაშობდნენ. ბიჭუნამ მაგიდიდან ჩამოსვლა მოინდომა და წონასწორობის დასაცავად გრანიტის ზედაპირს წაეპოტინა, რომელიც გადაყირავდა და ბავშვს თავზე დაეცა.
ლუკა ბერლინგერიო სასწრაფოდ გადაიყვანეს საავადმყოფოში, მაგრამ, გამომდინარე თავის უმძიმესი ტრავმებიდან, ექიმებმა მისი გადარჩენა ვერ შეძლეს.
„ჩვენი გუნდი თავზარდაცემულია ამ საშინელი ტრაგედიით. გვსურს თანავუგრძნოთ ოჯახს და მათ მეგობრებს. ვცემთ რა პატივს კონფიდენციალობას, ინციდენტის დეტალების გამჟღავნებისგან თავს შევიკავებთ“, — განაცხადა სასტუმროს გენერალურმა დირექტორმა ლი ჰენერმა.
აღსანიშნავია, რომ დაღუპული ბავშვის დედის მხარდასაჭერად საიტზე GoFundMe შემოწირულობების შეგროვება დაიწყო. ორი დღის განმავლობაში აუცილებელი 10 ათასი დოლარიდან 3 ათასამდე დოლარი შეგროვდა. გულშემატკივარი ადამიანები თანხების გადარიცხვას განაგრძობენ.