06:14 23 სექტემბერი 2020
პირდაპირი ეთერი
  • EUR3.8267
  • 100 RUB4.2850
  • USD3.2537
მსოფლიოში
მოკლე ბმულის მიღება
მსოფლიო დღეს (2075)
25510

მეტეორიტის ნამსხვრევებიდან ყველაზე დიდი ლოდი 40 კგ-ს იწონიდა და მკვლევარები მზად იყვნენ, მასში 27 ათასი დოლარი გადაეხადათ.

თბილისი, 2 სექტემბერი — Sputnik. მეტეორიტის ძვირფასი ნამსხვრევები ბრაზილიის ქალაქ სანტა–ფილომენაში ჩამოცვივდა და გარდა იმისა, რომ ათასობით ტურისტი და მკვლევარი მიიზიდა, ადგილობრივი მოსახლეობაც გაამდიდრა, იუწყება Sputniknews.com.

გავრცელებული ინფორმაციით, მეტეორიტების წვიმა ქალაქს თავს 19 აგვისტოს დაატყდა. დაახლოებით 4.6 მილიარდი წლის კოსმოსურმა ლოდებმა ჯერ ცა აავსო, შემდეგ კი მიწაზე ჩამოცვივდა.

​მეცნიერებმა გამოაცხადეს, რომ მეტეორიტის ნამსხვრევები უძველესი მინერალებისგან შედგება და ძალიან ძვირფასია. ამის შესახებ ქალაქის მცხოვრებლებმაც შეიტყვეს და ნატეხების შეგროვება დაიწყეს. ყველაზე დიდი ლოდი 40 კილოგრამს იწონიდა და მკვლევარები მზად იყვნენ, მასში 27 ათასი აშშ დოლარი გადაეხადათ.

სანტა-ფილომენაში მთელი მსოფლიოდან ჩავიდნენ მკვლევარები და კოლექციონერები ესოდენ იშვიათი კოსმოსური ობიექტის შესასწავლად და ფრაგმენტების მოსაპოვებლად. მილიონერები მასიურად იძენდნენ ნატეხებს ბრაზილიიდან მათი გატანისა და კიდევ უფრო ძვირად გაყიდვის მიზნით.                                                                                 

ზოგს მიაჩნია, რომ ქვეყნის ხელისუფლებამ უნდა აკრძალოს სახელმწიფოს ტერიტორიიდან მეტეორიტის ექსპორტი. ეს მათ საშუალებას მისცემს, ჩაატარონ უნიკალური სამეცნიერო კვლევები და მოიზიდონ ტურისტები.   

თემები:
მსოფლიო დღეს (2075)

მთავარი თემები