თბილისი, 26 აგვისტო — Sputnik. აშშ-ის დაავადებათა კონტროლისა და პროფილაქტიკის ცენტრებმა გააფრთხილეს მოსახლეობა, რომ აშშ-სა და კანადაში ერთ-ერთი ყველაზე მეტად გავრცელებული კვებითი ინფექციის, სალმონელოზის აფეთქება დაფიქსირდა.
FDA Recall Update for “multistate outbreak of Salmonella Enteritidis infections potentially linked to peaches packed or supplied by Prima Wawona or Wawona Packing Company” sold at Aldi, Walmart, Target, Kroger, Wegmans, etc. (Cases in N.J. and N.Y.) https://t.co/ViGLDldwWX pic.twitter.com/JS0KwO4lZK
— Darias News (@CaesarDarias) August 22, 2020
აღსანიშნავია, რომ ბაქტერია სალმონელა, რომელიც ყველაზე ხშირად ხორცში, რძესა და უმ კვერცხში გვხვდება, ამჯერად ხილში აღმოჩნდა — შეერთებულ შტატებსა და კანადაში ინფექციის აფეთქების მიზეზი ატამი გახდა.
გავრცელებული ინფორმაციით, ამ დროისათვის აშშ-ში სალმონელოზის სულ 68 შემთხვევაა გამოვლენილი, 14 პაციენტი მძიმე მოწამვლითაა ჰოსპიტალიზებული. რაც შეეხება კანადას, ინფექცია 33 ადამიანს შეეხო ონტარიოსა და კვებეკში.
კანადისა და აშშ-ის კვების პროდუქტების კონტროლის სააგენტოებმა და დაავადებათა კონტროლის ცენტრებმა აუკრძალეს თავიანთ მოქალაქეებს, მიირთვან არა მარტო კომპანია Prima Wawona-ს მიერ მიწოდებული ატამი (რომლის პროდუქციაშიც აღმოჩნდა კიდეც სალმონელას ბაქტერია), არამედ გარკვეული ხნით საერთოდ თავი შეიკავონ ნებისმიერი ატმისა თუ მისგან დამზადებული პროდუქტის ჭამისგან.
უფრო მეტიც, ექიმები მათ, ვინც ბოლო პერიოდში ატამი შეიძინა, ურჩევენ, დეზინფექცია ჩაუტარონ ადგილებს, სადაც აღნიშნულ ხილს ინახავდნენ — იქნება ეს მაცივარი, კარადა თუ მაგიდა.
