თბილისი, 26 აგვისტო — Sputnik. კანადელმა მეთევზეებმა ბონავისტას ყურეში გრძელცხვირიანი და ფრთებიანი ქიმერა დაიჭირეს, იუწყება ტელეარხი CBC.
გავრცელებული ინფორმაციით, იშვიათი თევზი გარი გუდიარის ნადავლი გახდა. როგორც მამაკაცი ამბობს, მას და მის მეგობრებს სათევზაო ბადე 800 მეტრის სიღრმეზე ჰქონდათ ჩაშვებული.
ირკვევა, რომ არც გუდიარსა და არც მისი გუნდის წევრებს მანამდე მსგავსი არაფერი უნახავთ. ნაპირზე გამოსულმა მეთევზეებმა ფრთებიანი და „რეზინისცხვირიანი“ არსება თევზის კომბინატის თანამშრომლებსაც აჩვენეს, მაგრამ წყლის ქიმერა ვერც მათ ამოიცნეს.
არსების იდენტიფიცირება მხოლოდ მოგვიანებით გახდა შესაძლებელი, როდესაც მისი ფოტო „ფეისბუქზე“ აიტვირთა და ზღვის ბიოლოგმა კეროლინ მირიმ ნახა.
მეცნიერის თქმით, ეს ცხვირიანი ქიმერაა — ზურგზე შხამიანი წანაზარდით. თუმცა ის იმდენად ღრმად ცხოვრობს წყალში, რომ „მისი ბიოლოგიის, ცხოვრებისა თუ ქცევების შესახებ თითქმის არაფერია ცნობილი“.
