23:18 25 სექტემბერი 2020
პირდაპირი ეთერი
  • EUR3.8292
  • 100 RUB4.2718
  • USD3.2897
მსოფლიოში
მოკლე ბმულის მიღება
865 0 0

აშშ-ში შესვლა, პირველ რიგში, ეზღუდებათ იმ პირებს, მათ შორის საქართველოს მოქალაქეებს, რომლებიც ბოლო 14 დღის განმავლობაში იმყოფებოდნენ ევროპაში, გაერთიანებულ სამეფოში, ირლანდიაში, ბრაზილიაში, ჩინეთსა და ირანში.

თბილისი, 14 აგვისტო – Sputnik. საქართველოს მოქალაქეები, რომლებსაც აშშ-ის ტერიტორიაზე ლეგალურად ცხოვრების უფლება არ გააჩნიათ, ამ ქვეყანაში ვერ შევლენ, თუ ბოლო 14 დღის განმავლობაში ისინი იმყოფებოდნენ ევროპაში, გაერთიანებულ სამეფოში, ირლანდიაში, ბრაზილიაში, ჩინეთში ან ირანში, ნათქვამია საქართველოში აშშ-ის საელჩოს განცხადებაში.

საელჩოში აღნიშნავენ, რომ საიმიგრაციო ვიზა არ წარმოადგენს აშშ-ში ცხოვრების ლეგალურ უფლებას. შესაბამისად, თუ ადამიანს საიმიგრაციო ვიზა აქვს, აშშ-ში ზემოაღნიშნული ქვეყნების გავლით მაინც ვერ მოხვდება.

არის გამონაკლისებიც უცხოეთის მოქალაქეებისთვის. ესენია ოჯახის არასრულწლოვანი წევრები, სხვა ქვეყნების მთავრობის წარმომადგენლები და მათი ნათესავები.

აშშ-ის სახელმწიფო დეპარტამენტი, ეროვნული ინტერესებიდან გამომდინარე, დამატებით უშვებს გამონაკლის შემთხვევებს გარკვეული კატეგორიის პირებზე, რომლებიც ამერიკაში შენგენის ზონის ქვეყნებიდან, გაერთიანებული სამეფოდან და ირლანდიიდან მიემგზავრებიან. კერძოდ, საუბარია სტუდენტებზე, ინვესტორებზე, ტრეიდერებზე, აკადემიკოსებსა და ბიზნესმენებზე.

მთავარი თემები