02:37 02 ოქტომბერი 2020
პირდაპირი ეთერი
  • EUR3.7560
  • 100 RUB4.1413
  • USD3.1988
მსოფლიოში
მოკლე ბმულის მიღება
COVID-19-ის პანდემია მსოფლიოში (1159)
272 0 0

დედამიწაზე ერთ–ერთი ყველაზე გავლენიანი ადამიანის აზრით, „მდიდარი“ მსოფლიო COVID-19–ს სხვებზე დაახლოებით ერთი წლით ადრე გაუმკლავდება

თბილისი, 11 აგვისტო – Sputnik. ორნახევარი წელიწადი – ასეთი ვადა იწინასწარმეტყველა კორონავირუსის პანდემიის დასრულებამდე Microsoft–ის დამაარსებელმა ბილ გეიტსმა Wired–თან ინტერვიუში.

ბილ გეიტსი: ეკოლოგიური კატასტროფა კორონავირუსზე საშინელი იქნება>>

„ეს არც პირველი მსოფლიო ომია და არც მეორე მსოფლიო ომი, მაგრამ მთელი სისტემისთვის ნეგატიური რყევების მასშტაბებით უტოლდება მათ“, – მიიჩნევს გეიტსი.

დედამიწაზე ერთ–ერთი ყველაზე გავლენიანი ადამიანის აზრით, „მდიდარი მსოფლიო“ COVID-19–ს სხვებთან შედარებით დაახლოებით ერთი წლით ადრე გაუმკლავდება. ამასთან, გეიტსმა აღნიშნა, რომ COVID-19–მა ძალიან შეაფერხა პროგრესი მალარიასთან, პოლიომიელიტთან და აივ–ინფექციებთან ბრძოლისთვის წამლების ძიებაში.

ჯანდაცვის მსოფლიო ორგანიზაციის (ჯანმო) ვებ-გვერდზე განთავსებული მონაცემებით, მთელ მსოფლიოში ახალი ტიპის კორონავირუსით ინფიცირებულთა რაოდენობამ 11 აგვისტოს დილისთვის 19 718 030 ადამიანი შეადგინა, გარდაიცვალა 728 013.

ამავე დროს, ჯონს ჰოპკინსის უნივერსიტეტის მონაცემებით, გამოვლენილია კორონავირუსის 20 014 574 შემთხვევა და გარდაცვლილია 734 803 ადამიანი.

ჯანმომ კორონავირუსის პანდემიის შესახებ 2020 წლის 11 მარტს გამოაცხადა.

თემები:
COVID-19-ის პანდემია მსოფლიოში (1159)

მთავარი თემები