10:14 13 აგვისტო 2020
პირდაპირი ეთერი
  • EUR3.6237
  • 100 RUB4.2107
  • USD3.0785
მსოფლიოში
მოკლე ბმულის მიღება
მსოფლიო დღეს (1940)
278 0 0

ახალგაზრდა კაცი საბავშვო ბაღში სარემონტო სამუშაოებს ასრულებდა და ღამით კოლეგებთან ერთად იქვე იძინებდა.

თბილისი, 31 ივლისი — Sputnik. მძინარე მამაკაცს კობრა შარვალში შეუძვრა და მთელი ღამე იქ დარჩა, იუწყება გამოცემა India.

გავრცელებული ინფორმაციით, ახალაზრდა კაცი ლავკეშ კუმარი საბავშვო ბაღის შენობაში ელექტროსამონტაჟო სამუშაოებს ატარებდა სხვა კოლეგებთან ერთად. სამუშაოს დასრულების შემდეგ მუშები იქვე, საბავშვო ბაღში იძინებდნენ. შუაღამისას ლავკეშმა ერთგვარი დისკომფორტი იგრძნო, გაეღვიძა და აღმოაჩინა, რომ ტანზე ჩაცმულ შარვალში კობრა შეძრომოდა.

შიშისგან გაოგნებულმა კუმარმა, ისე, რომ არ განძრეულა, კოლეგები გააღვიძა და დახმარება სთხოვა. ისინიც სასწრაფოდ გაიქცნენ სოფელში გველის დამჭერის მოსაყვანად. თუმცა სპეციალისტი მხოლოდ დილით მივიდა ადგილზე.

მთელი ამ ხნის განმავლობაში კაცს არც თვალი მოუხუჭავს და არც განძრეულა, რათა გველი არ შეეწუხებინა. საბედნიეროდ, კობრას ერთხელაც არ უკბენია მისთვის.

საბოლოოდ, გველების დამჭერმა აკურატულად გაუჭრა შარვალი კუმარს და გველი უსაფრთხოდ ამოიყვანა. ახალგაზრდა კაცს სასწრაფო სამედიცინო დახმარება, რომლის ეკიპაჟიც თან ახლდა გველების სპეციალისტს, არ დასჭირვებია.

 

თემები:
მსოფლიო დღეს (1940)

მთავარი თემები