თბილისი, 27 ივლისი — Sputnik. შვეიცარული კომპანია HeiQ-ს სპეციალისტებმა შექმნეს სითხე სახელწოდებით Viroblock, რომელიც ქსოვილზე ვირუსს ანადგურებს, იუწყება გამოცემა Dazed.
Bang and the COVID is gone.https://t.co/BfoJqa6Hjg
— Dazed (@Dazed) July 24, 2020
გავრცელებული ინფორმაციით, ტექნოლოგია COVID-19-ის გამომწვევ ბაქტერიებს 99,9%-იანი ეფექტურობით ანადგურებს.
ირკვევა, რომ გამოგონება ჯინსის ქსოვილზე წარმატებით გამოიცადა და ახლა კომპანია ბრენდებთან Warp+Weft-სა და DL1961-თან ერთად აპირებს ანტივირუსული ჯინსების კოლექციის გამოშვებას.
კომპანიის წარმომადგენლები აცხადებენ, რომ Viroblock-ით დაფარული ქსოვილი 30 გარეცხვას უძლებს და ამ ხნის განმავლობაში ინარჩუნებს ბაქტერიების მოსპობის უნარს.
ანტივირუსული კოლექციის გამოშვება 1 ოქტომბრისთვის იგეგმება.
„ჩვენი ჯინსების დანიშნულება ისაა, რომ კარგად გამოიყურებოდეთ და თავს უსაფრთხოდ გრძნობდეთ“, — აცხადებს ბრენდის წარმომადგენელი სარა აჰმედი.
კომპანია HeiQ-ში აცხადებენ, რომ Viroblock-ის ტექნოლოგიაზე მუშაობა 2013 წელს დაიწყო და ეტაპობრივად მიმდინარეობდა, მაგრამ კორონავირუსის პანდემიამ აიძულა მისი სპეციალისტები, დაეჩქარებინათ კვლევები.
Viroblock-ის თხელი ფენით დაფარული ჯინსები, როგორც მისი შექმნელები ირწმუნებიან, ვირუსებს ნახევარ საათში ანადგურებს.
